Վայրի աղավնին` կուրծքը վիրավոր,
Ընկել էր մենակ աղբյուրի եզրին,
Ծորում էր շիթ-շիթ արյունը բոսոր,
Մեռնում էր, աչքը` ջրի երազին:
Քնքուշ պարիկը տեսավ դալկահար
Մեռնող աղավնուն և խոսեց այսպես.
-Տուր ինձ այն, ինչ-որ թանկ է քեզ համար,
Էն թանկագինը, կյանք տամ իսկույն քեզ:
Մեռնող աղավնին խորհում է ինքնին.
-Էն թանկագինը կյանքն է անպատճառ.
Ա~խ, ծաղրում է ինձ աղբյուրի ոգին:
-Էհ լավ, թող լինի. տուր և նորից առ:
Պարիկը ցողեր սրսկեց վերքին,
Աղավնին բացեց աչքերը ոսկի,
Ու թևին տալով` ծափեց խնդագին.
-Ե՞րբ կուզես կյանքս, նազելի ոգի:
-Թևերդ կուզեմ, կյանքդ քեզ լինի:
-Թևե՞րս… ինչպե՞ս, օ~հ, երբեք, երբեք.
Առանց թռիչքի կյանքը գին չունի
Կյանքս առ,- թռչունն ասաց սրտաբեկ:
-Թռիր, սիրելիս, ազատ ու վայրի,
Թռիր ու ասա ստրուկ աշխարհքին
Թե ինչն է թանկը կյանքից ավելի…,-
Ասաց ջրերի լուսեղեն ոգին:
Առաջադրանքներ
Դո՛ւրս գրիրանծանոթ բառերը և բառարանի օգնությամբ բացատրի՛ր:
- շիթ-շիթ — Կաթիլ-կաթիլ
- պարիկ — փերի
- դալկահար — գունատ
- ծաղրել — ծիծաղել
- խնդագին — զվարճագին
Ո՞րնէառակի ասելիքը և ի՞նչ է սովորեցնում այն քեզ:
Առակը սովորեցնում է, որ կյանքից թանկ բան չկա:
Դո՛ւրս գրիր այն տողերը, որտեղ խտանում է հեղինակի ասելիքը:
Վայրի աղավնին` կուրծքը վիրավոր,
Ընկել էր մենակ աղբյուրի եզրին,
Ծորում էր շիթ-շիթ արյունը բոսոր,
Մեռնում էր, աչքը` ջրի երազին:
Քնքուշ պարիկը տեսավ դալկահար
Մեռնող աղավնուն և խոսեց այսպես.
Մեռնող աղավնին խորհում է ինքնին
Պարիկը ցողեր սրսկեց վերքին,
Աղավնին բացեց աչքերը ոսկի,
Ու թևին տալով` ծափեց խնդագին.
Նայի՛ր այս ֆիլմը և գրավոր գրի՛ր քո կարծիքը ֆիլմի մասին:
Ֆիմը շատ հետաքրքիր էր և գունեղ:
Գրի՛ր, թե որն է ամենաթանկ բանը քեզ համար:
Ինձ համար ամենաթանկ բանը կյանքն է, որովհետև առանց կյանք ոչ մի բան գին չունի:
Ավ․ Իսահակյան «Կյանքից թանկ բանը»: Один комментарий