Ուզում եմ խոսել երազանքների մասին

4Ամեն մարդ ունի երազանքներ:  Մեր երևակայությունում դրանք արտացոլվում է տարբեր ձևերով: Տարիների ընթացքում միևնույն երազանքը զարգանում է և ստանում է տարբեր տեսքեր: Ամեն օր, երբ պարկում եմ քնելու, ես երազում եմ: Երազում եմ լինել հայտնի ճանապարհորդ, ունենալ մեծ հաջողություններ սպորտում, կարողանալ նկարել մուլտֆիլմներ, որոնք կսիրեն բոլորը: Ի հարկե, դրանք դեռ պարզապես երազանքներ են, բայց ես կարծում եմ, եթե տարիների ընթացքում աշխատեմ այդ երազանքների շուրջ, ապա նրանք անպայման կիրականանա: Читать далее

Реклама

Իմ սիրած ուսուցիչը

Իմ ամենասիրելի ուսուցիչն ընկեր Անհիտն է: Նա դասավանդել է տարրական դասարանում: Նրա հետ միշտ հետաքրքիր էր, դասերը անցնում էին շատ ուրախ, տարբեր խաղեր էինք խաղում: Ընկեր Անահիտը շատ բարի էր: Նա երբեք չէր գոռում ու չէր զայրանում, ամեն ինչ բացատրում էր հանգիստ: Ճամփորդությունների ժամանակ մեծ հոգատարությամբ էր վարվում մեզ հետ: Ամեն անգամ, երբ իջնում էինք խոհանոց,  բոլորս արագ մոտենում էինք ընկեր Անահիտի, որ ձեռքը բռնենք:

Նա մեզ ընդամենը 2 տարի դասավանդեց, բայց ես նրան հիշում և սիրում եմ:

Ընկերություն

69876407_708575069658605_6985573726360174592_nՅուրանքանչյուր մարդուն հարկավոր է ընկեր: Ընկերը այն մարդն է, որի հետ հետաքրքիր է ժամանակ անցկացնել, ով քեզ ցանկացած հարցում փորձում է օգնել: Ընկերության մեջ ամենակարևորը վստահությունն է այն մարդու հանդեպ, որին դու համարում ես ընկեր:  Ընկերը երբեք չի դավաճանի և չի թողնի դժվար իրավիճակում, գաղտնիքները ոչ մեկին չի ասի: Իզուր չեն ասում, որ իսկական ընկերը ճանաչվում է դժբախտության մեջ: Միայն տարիներ անց կարող ես հասկանալ, քո կողքի մարդը քեզ ընկեր է, թե ոչ:

Իմ կենդանին

71

Իմ սիրած կենդանին շունն է: Երբ  ես փոքր էի, մեր տանն ապրում էր Գերդա անունով շուն: Գերդան գերմանական հովվաշուն էր: Նա շատ բարի և խելացի էր: Ես Գերդայի հետ միշտ խաղում էի. երբ կոնֆետ էր իմ ձեռքում, նա արագ հայտնվում էր իմ կողքին: Գերդան միշտ սպասում էր, թե երբ ես կվերադառնամ զբոսանքից: Մայրիկս նրան կերակրում էր օրը երեք անգամ և երեք անգամ դուրս էր հանում զբոսանքի: Մեկ-մեկ ես էլ էի նրանց հետ գնում զբոսանքի: Գերդան չէր սիրում լողանալ և ամեն անգամ թաքնվում էր, երբ իմանում էր, որ պետք է լողանա: Նա իմ ամենալավ ընկերն էր:

Հիմա Գերդան չկա, բայց ես նրան սիրում և միշտ հիշում եմ:

Շան անունը տուր՝ փետն առ ձեռդ

Մեր բակում մի տղա կա: Ես նրա հետ ընկերություն էի անում, բայց բոլորն ասում էին, որ նա շատ չար է և վատն է: Ես երբեք չեմ տեսել նրա կողմից չարություն, բայց այսքան խոսակցություններից հետո ավելի զգոն դարձա:

Մեկ օր, երբ պատուհանից նայում էի, լսեցի, թե ինչպես է նա իմ մասին վատ բաներ խոսում: Ականջներիս չհավատացի և իսկույն իջա ցած:  Երբ իջա, նա ինձ մոտեցավ և շատ բարեհամբույր բարևեց:  Այնուհետև ասաց.

—  Գիտե՞ս, մեր բակի ա՜յ էն տղան քո մասին վատ բաներ էր ասում, բայց ես զայրացա և ասացի նրան, որ գնա:

Այդ խոսքերից հետո ավելի շատ ապշեցի, որովհետև ինքս եմ լսել, թե ով, ինչ է ասել:

Շատ օրեր են անցել այդ դեպքից հետո. ես շարունակում եմ նրա հետ շփվել, բայց այլևս չեմ համարում նրան ընկեր:

Իմ ամառային արկածները

65581169_10206438263472557_8364193778096930816_oԱմառային արկածներս սկսվեցին հունիսի 15-ից: Այդ օրը փոքր խմբով ուղևորվեցինք Վանաձոր՝ լողի մրցումների: Վանաձորում առաջին անգամ էի և այն տարբերվում էր Երևանից: Այնտեղ այնքան մարդաշատ չէր, որքան այստեղ, իսկ եղանակը՝ ցուրտ:

Մրցումները տևեցին 3 օր: Մրցումները սկսվում էին առավոտյան և տևում էին 2-3 ժամ: Մասնակցում էին Հայաստանի բոլոր պատանի լողորդները՝ մոտ 200 հոգի: Մրցումներին ոչ մի տեղ չգրավեցի, բայց իմ արդյունքը լրացրել եմ: Читать далее

Հիշողություն

memory5Հիշողությունը պետք է բոլորին: Միշտ չէ լավ, երբ մարդը հիշում է ամեն ինչ: Մարդը պետք է  հիշի միայն լավը: Առավել վառ  իրադարձությունները  մնում եմ հիշողության մեջ, իսկ  վատը՝ մոռացվում են:

Շատերը կարծում են, որ տարեց մարդկանց հիշողությունը վատ է, բայց դա այդպես չէ: Նրանք իրենց կյանքի բոլոր լավ պահերը հիշում են և հաճախ պատմում են թոռնիկներին: Читать далее

Տխուր մարդը

806740e9132e0c1f8a0e6c86dd3e--kukly-i-igrushki-tekstilnaya-interernaya-kukla-grustnyj-klounՏխրությունը այնպիսի զգացմունք է, որը հնարավոր չէ բացատրել: Մարդը կարող է տխուր լինել առանց պատճառի: Մարդիկ տխուր են, երբ դրսում անձրև է, բայց ես սիրում եմ անձրև և ինձ համար դա տխրելու պատճառ չէ:

Կարծում են, որ տխրությունն առաջանում է, երբ ինչ-որ բան կորցնում ես: Հաճախ չես հասկանում ինչ ես կորցրել, բայց միևնույն է տխրում ես: Ոչ բոլորն են ցույց  տալիս իրենց տխրությունը և  ժպտում են, բայց այդ ժպիտի հետևում կարող է թաքնված լինել մի մեծ տխրություն: Читать далее

Ազատություն

Մարդը միշտ ձգտել է լինել ազատ: Հին ժամանակներում ստրուկները չեն ունեցել ազատություն, բայց միշտ երազել են լինել ազատ: Այժմ մարդիկ ազատ են և իրենք են որոշում ինչ անեն: Բոլորի համար ազատությունը տարբեր է:

Ինձ համար ազատությունը դա հնարավորություն է  ինքնուրույն անել ընտրություն, լինել բոլորի կարծիքներից անկախ: Մարդը պետք է ունենա խոսքի և մտքի ազատություն: Բոլորի կածիքները տարբեր են, բայց բոլորն էլ իրավունք ունեն արտահայտելու այն: Читать далее

Իմ փոքրիկ սիրտն ո՞ւմ նվիրեմ

855

Դու պետք է բարի լինես, որպեսզի կարողանաս նվիրել քո սիրտը: Եթե դու չար ես, ապա քո սիրտն էլ է չար, և ոչ մեկ չի ցանկանա ապրել քո սրտում: Կարծում եմ՝ ես բարի մարդ եմ, որովհետև իմ սրտում շատ մարդկանց համար կա տեղ: Առաջնահերթ ուզում եմ նվիրել իմ սիրտը ընտանիքիս բոլոր անդամներին, որովհետև նրանք իմ կողքին են լավ և վատ օրերին: Կարծում եմ՝ նրանք միշտ ինձ հետ կմնան իմ փոքրիկ սրտում: Ուզում եմ նվիրել իմ սիրտը իմ ընկերներին, մարզիչներին, ուսուցիչներին և բոլոր այն բարի մարդկանց, ում դեռ չեմ հանդիպել: Հնարավոր է՝ իմ սրտում վատ մարդ էլ լինի, որի մասին ես չիմանամ, բայց համոզված եմ, եթե անկյուն է գտել իմ սրտում, ապա մեկ օր նա ևս կդառնա բարի: Ես դեռ փոքր եմ, բայց իմ փոքրիկ սիրտը մեծ է: